New York City

New York

Koordinati	{{{koordinati}}}
Mıntıqa	New York
Erd	1,214.4 km²
Nıfus	8,104,079
Sıxletina nıfusi serê km²	10,316/km²
Berzine (Reqım)	10 m
Serdarê Belediya	M. Bloomberg

New York City (bıwane: Niw York Sitiy) yew bacarê Dewletanê Amerikaê Yewbiyaiyana. New York mıntıqa ra şarqê Dewletanê Amerikaê Yewbiyaiyan dera. Rocakewtene (rocvetışe, şerqe) New York da Okyanuso Atlas esta. New York Dewletanê Amerikaê Yewbiyaiyan u dınya de bacar tewr gırda.

Tarix

Tarixê New York zaf kıhan niya. Verni de şarê Postesuri (Kızıldereli) uca de runıştı bi. Serra 1609 de yew kaptanê Hollandayıc, Henry Hudson, Manhattan diyo u şarê Hollandayıc amey Manhattan. Şarê Hollandayıc Manhattan ra namey "New Amsterdam" na pa. Labelê serra 1664 de, Britanya Gırde "New Amsterdam" işğal kerd u da cı namey "New York." Labelê waxtê Amerikayê Cengê Civili de, merdumê Amerikayıc dewletê Britanya Gırde fetılna. Serran ra 1878 - 1880 New York biya paytextê Dewletanê Amerikaê Yewbiyaiyan. Seserran 19 u 20 de New York biya zaf gırd. Qande Endustriy u iqtisad, zaf merdume Amerikayıc u Ewropayıc şiyo New York. Yewın asmenodırna (skyscraper) New York da vırazıya; serra 1930 de asmenodırna Empire State vırazıya. Serra 2001, têy merduman pe teyyaran ra asmenodırna "World Trade Center" xırabe kerd.

Nıfus u İklim

Ewro nıfusê New York 8.1 milyonia; feqat nıfusê metro 22 milyona. Zaf şarê muhaciran êsta. Zaf mıxtelıf mılleti tede cıwiyenê: şare Ewropa, Asya, Afrika tede zafa. Feqat her ca de pe zıwa nê İngilizki qısey bena. New York da zaf Yahudine êsta (1 milyon). Problemê trafik u cinayet gıruna. İklimê u heway New York zaf vuriyeno. Waxte zemustan de hewa zaf serdina zaf varan varena u erdê New York bena sıpêy. Waxte amman de heway New York wenika u erdê ho kheweya (kıhoya).

İqtısad

New York da bına u banê xeylê berzi estê. New York bacarê dewiziyo, paytextê borsao, merkezê iqtısad, kultur, huner ê Dewletanê Amerikaê Yewbiyaiyan u Dinyaê. Banê Mılliyetanê Yewbiyaiyan u borseyê Wall Street, New York da ca geno. Borseyo New York dınya de yewıniya.

Çımey

• Resmi Siteyê New York
• Walk in New York

	Bacarê Dınya
Amsterdam • Atêna • Berlin • Chicago • Dubai • Estamol • Hong Kong • Houston • Kuala Lumpur • Londra • Los Angeles • Frankfurtê Maini • Madrid • Munix • New York City • Paris • Roma • San Francisco • Shanghai • Sidney • Stockholm • Tehran • Tokyo