 |
del.icio.us |
 |
Digg |
 |
Furl |
 |
|
 |
Rojo |
| Add to OnlyWire |
 |
|
| Paytext | Londra |
| Bacarê tewr gırdi | Londra |
| Zıwan | İngılızki |
| Hukmat | Monarşiya Qanuniye |
| Erd | |
| - Pêro-pia | 244,820 |
| - % awe | (%) 0.5 |
| Nıfus | |
| - Pêro-pia | 68,467,413 |
| - Sıxletina nıfusi serê km² | 41/km² |
| Yewina Perey | Sterlin (GBP) |
| Warey Saete | 0 |
| Kılmkerdışê pela interneti | .uk |
| Kodê têlefoni | +44 |
Britanya Gırde mıntıqa ra zımey-rocawanê (ğerbê) qıta Ewropa dera. Dolmey Britanya Gırde de İrlanda, Okyanuso Atlas u Deryaê Zımey estê. Paytextê Britanya Gırde Londrawa. Britanya Gırde çar (4) dıwelan ra yena pêra (mıteşekkıla): İngıltere, İskoçya, Gali u İrlanda Zımey. Seba ke cı rê Qralina Yewbiyaiye (be İngılızki United Kingdom) ki vaciyeno. Britanya Gırde ezaê NATOy, ê Yewina Ewropa u Mılliyetanê Yewbiyaiyan (UN)ia. Sistemê idarey monarşiya qanuniya; labelê Britanya Gırde be demokrasiye yena idare kerdene.
Tedeestey |
Tarix
Medeniyetê Britanya zaf dewletiyo. Wextê kolonyalizm de qralanê Britanya % 33 dınya sero hukım kerdo: zey Kanada, Amerika, Hindıstan, Pakıstan, Erebıstan, Awıstralya, Zelanda Newiye, Afrika Cenubi uêb.. Labelê wextê Cengê Dınyaê I. u IIine de Britanya qeweta xo kerde vini.
İklim u Suki
İklimê Britanya honıko; silıye zaf varena. Seba awıke germıne (Gulf Stream) hewaê Britanya zaf serdın niyo. Erdê Britanya her daim kheweo.
Sukê (Bacarê) Gırdi:
- 1. Londra, Nıfus: 7.160.094
- 2. Birmingham, Nıfus: 2.100.000
- 3. Leeds, Nıfus: 2.040.000
- 4. Manchester, Nıfus: 1.255.955
- 5. Liverpool, Nıfus: 841.145
Suka Londra zaf raver şiya. Banê xeylê berzi u bınaê ke hetê mımarine ra mıkemmel vıraziyaê, tede estê. Londra paytextê borsao, merkezê iqtısad u siyasetê Britanyao.
Nıfus
Nıfusê Britanya 58 milyono. Britanya hetê nıfusi ra Ewropa de (Almanya u Fransa ra dıme) rêza hirêyine dera. Şarê Britanya zafêr sukan cıwiyenê, dewıcê xo senıkê; nuskar u wendoğê xo zafê. Dinê Britanya Xrıstiyanina, labelê ateist zafê. Taê Mısılmani, Musewiy, Hinduy u Sikhi ki estê. Zıwano resmi çıniyo, hama şarê Britanya İngılızki qısey keno. Taê ki İrlandki u Galki qısey kenê.
İqtisad
İqtısadê Britanya zaf qewetıno. Dınya de rêza phancine (5.) dero. Teknolociye u sektorê iqtisadê Britanya zaf raver şiyê. Turizmê xo zaf muhımo; her serre 27 milyon turisti şonê Britanya. Futbolê İngılızan zaf raver şiyo. Manchester United, Liverpool, Arsenal, Chelsea taxımê İngıltereyê.
Çımey
 |
Dewletê Ewropa | |
|---|---|---|
|
Almanya Federale • Arnawutiye • Andorra • Awıstırya • Azerbaycan • Belarus • Belçıka • Bosna-Hersek • Britanya Gırde • Bulğarıstan • Çekıstan • Danimarka • Estonya • Finlanda • Fransa • Hollanda • Gurcıstan • İrlanda • İslanda • İspanya • İsweç • İswiçre • İtalya • Kosova • Letonya • Litwanya • Liechtenstein • Luksemburg • Macarıstan • Makedonya (CMYK) • Malta • Moldawya • Monako • Montenegro • Norweç • Qazaxıstan • Polonya • Portekiz • Romanya • Rusya (Urusya) • San Marino • Sırbıstan • Slowakya • Slowenya • Tırkiya • Ukrayna • Xırvatıstan • Vatikan • Yunanıstan |
||
