Berlin

Berlin

Koordinati	52°31′N 13°24′E
Mıntıqa	Eyaletê Berlini
Erd	891.75 km²
Nıfus	3,396,990
Sıxletina nıfusi serê km²	3,809/km²
Berzine (Reqım)	34 - 115 m
Serdarê Belediya	Klaus Wowereit

Berlin yew bacarê Almanya Federaleo u mıntıqa ra rocvetışê (şerqê) Almanya dero. Yewbiyayışê Almanya Federale u Cumhuriyetê Almanya Demokratike ra dıme Berlin serra 1990 de bi paytextê Almanya. Berlin bacarê tewr gırda Almanyao.

Tarix

Berlin bacarê da khano u seserra 12ine de niyao ro. Verên de serra 1701e de bi paytextê Brandenburgi. Serranê 1701 u 1871e miyan de Berlin paytextê Qralina Prusya biyo. Raveri ra serra 1871e de Berlin paytextê Almanya Federaleo. Wextê dêmdayışê endustriyede Berlin zaf biyo gırd u biyo merkezê transport u iqtısadi. Serra 1936i de kayê Olimpiya Berlin de biyê.

Wextê Herbê Dınyaê IIine Berlin biyo xırabe. Serra 1945i de Berlin bi dı letey. O ra dıme mıntıqa rocawanê (ğerbê) Berlini be terefê Britanya Gırde, Amerika u Fransa ra pia idare bi. Mıntıqa rocvetışê (şerqê) Berlini ki terefê Rusya ra idare bi. Serra 1949i de hetê rocvetışê (şerqê) Berlini bi paytextê Cumhuriyetê Almanya Demokratike. Serra 1961e de Berlin miyan de seraser yew dês vıraziya. Labelê serra 1989i de no dês ancia rıziya u dı heti biy yew, amey pêser.

İklim u Nıfus

Ewro nıfusê Berlini 3.3 milyono; labelê nıfusê metroy 4.2 milyono. Zaf mıxtelıf mılleti tede cıwiyenê: şarê Polonan, Zazayan u Tırkan tede zafo. Nıfusê şare Tırkiya 117,624o.

İklimê Berlini honıko; sıliye zaf varena. Seba awıka germıne (Gulf Stream), hewaê Berlini zaf serdın niyo. Erdê Berlini her daim kheweo (kıhoyo).

İqtısad

Nıka Berlin bacarê da moderno. Banê xeylê berzi u bınaê ke hetê mımarine ra mıkemmel vıraziyaê tede estê. Ewro Berlin merkezê huner, zagon, siyaset u turizmio. Sektorê dewlete zaf gırdo. Merkezê Deutsche Welle u Der Tagesspiegeli Berlin de ronaeyo.

Bewne / Qayt ke

• Kêberê Brandenburgi

Çımey

• Sitey Berlinio Resmi

Paytextê Ewropa

Amsterdam • Andorra la Vella • Anqara • Atina • Belgrad • Berlin • Bern • Bratislawa • Bruksel • Budapeşt • Bükreş • Chişinau • Dublin • Helsinki • Kiew • Kopenhag • Lizbon • Londra • Luksemburg City • Lyublyana • Madrid • Minsk • Monako • Moskowa • Oslo • Paris • Podgorika • Prag • Reykyavik • Riga • Roma • San Marino (Bacar) • Sarayevo • Sofya • Stokholm • Tallin • Tıflis • Tirana • Uskup • Vaduz • Valletta • Vatican City • Vilniyus • Viyana • Warşowa • Zagreb •

	Bacarê Dınya
Amsterdam • Atêna • Berlin • Chicago • Dubai • Estamol • Hong Kong • Houston • Kuala Lumpur • Londra • Los Angeles • Frankfurtê Maini • Madrid • Munix • New York City • Paris • Roma • San Francisco • Shanghai • Sidney • Stockholm • Tehran • Tokyo